¿Qué intereses están detrás de las políticas sanitarias?

ESQUERDA UNIDA APOIA AS CONCENTRACIÓNS DE SOS SANIDADE PÚBLICA CONVOCADAS PARA ESTE MÉRCORES 21 DE ABRIL

Esquerda Unida anuncia a súa participación nas diferentes concentracións convocadas nas principais cidades e vilas galegas ás 20h do vindeiro mércores día 21 por SOS Sanidade Pública.

A Pandemia da COVID-19 viu a estresar aínda máis a un sistema sanitario público que acumulaba enormes carencias logo de doce anos de recortes de persoal e medios.

As listas de agarda foron incrementándose en atención hospitalaria debido ás paralizacións de probas e quirófanos motivadas polas sucesivas ondas da Pandemia. Sen embargo, nos meses de mellora nada se está a facer para facer fronte ao crecemento da agarda nas diferentes especialidades, obviando que a urxencia da COVID non significou que o resto de enfermidades agudas e crónicas de distintas gravidades desaparecesen.

Pero a peor parada logo dun ano de Pandemia é a atención primaria. A Xunta de Galicia aproveitou a situación sanitaria para implantar a teleasistencia indiscriminadamente, algo que está afectando gravemente á calidade da atención e dificultando ás persoas maiores ou con diversidade funcional acceder por vía telemática ás consultas.

Esquerda Unida defende que, salvo en casos específicos que poida valorar o profesional, as consultas por defecto deberan ser presenciais para poder ser escoitadas, observadas e exploradas en persoa.

Por outra parte, os orzamentos para este 2021 continúan a ser escasos e non permitirán recuperar a perda de persoal de máis dunha década, obviando así a Xunta as recomendacións das administracións europeas de investimento dos fondos COVID chegados da UE en materia de servizos públicos.

CONCENTRACIÓN POLA REPÚBLICA O 14 DE ABRIL ÁS 19:30 FAROLA DE URZÁIZ

 

Este mércores 14 de abril ás 19:30 a Asemblea Republicana de Vigo convoca unha concentración na Farola de Urzáiz contra a monarquía e pola República.

Despois de que a pandemia da COVID-19 impedira o pasado ano que a ARV convocaramos a manifestación, este ano, e 90 despois da chegada da República volvemos ás rúas de Vigo e convocamos unha concentración o 14 de abril.

A República foi un momento histórico no que, como indicaba a súa Constitución, traballadores e cidadáns de toda clase se dotaban dun dos textos constitucionais máis avanzados socialmente da súa época. Unha República que trouxo avances fundamentais para o conxunto da maioría social traballadora.

Todos e todas sabemos como acabou tralo Golpe de Estado Militar froito de intereses alleos aos da maioría social. Pois ben, 90 anos despois, os netos dos que acabaron coa República seguen gozando de total impunidade e os grandes poderes encabezados pola Coroa con Felipe VI e o seu pai, o Rei Emérito e presunto delincuente, continúan impoñendo políticas que só benefician á pequena minoría que eles mesmos representan.

Claro exemplo disto é o presunto trato de favor dado ao Rei Emérito Juan Carlos de Borbón por parte da Fiscal Xeral do Estado e do Director Xeral da Axencia Tributaria para que regularizase, con total impunidade, as súas débedas con Facenda. Tal escandalosa actuación, foi o que levou a ARV a interpoñer unha querela diante da Sala do Penal do Tribunal Supremo contra estas dúas importantísimas institucións do Estado por presunto delito de prevaricación administrativa e omisión de persecución dos delitos contra as persoas.

Contra a impunidade, contra a monarquía e por unha República do pobo, o vindeiro mércores 14 de abril convocámoste na Farola de Urzáiz (Vigo) ás 19:30.

ABAIXO A MONARQUÍA!
VIVA A REPUBLICA!

 

 

A %d blogueros les gusta esto: