TODAS SOMOS AMELIA TIGANUS

Dende a Asemblea Feminista Paxaretas queremos denunciar a campaña de acoso, ameazas e difamación por parte do Lobby proxeneta reunido baixo o nome de “Plataforma de afectados por la abolición” da que está a ser vítima a nosa compañeira @amelia.tiganus

Ao longo destes anos de activismo pola abolición da prostitución, Amelia Tiganus puxo o seu corpo, a súa cara, mente e corazón en bandexa a todas as persoas que quixeran escoitar, pensar e sentir que a existencia da prostitución trae moita desgraza e sufrimento a aquelas que máis nos precisan.

Non foi fácil para ela tomar a decisión de exporse publicamente, poñendo en risco a súa integridade ao encarar o crime organizado. Non exenta de sentir medo, o deber moral e ético que a empurraba e a segue a empurrar a facelo foi máis forte.

Agora mesmo, coa Lei contra o Proxenetismo debaténdose no Congreso, aumentou a súa presenza e exposición, pero nesta ocasión os proxenetas parece que o queren xogar todo a unha carta, imaxinamos que por medo a perder o poder e o control sobre os corpos das mulleres.

Amelia precisa da nosa axuda, da axuda das mulleres e da sociedade. Necesitamos que se escoite a súa voz e se saiba o que está a acontecer, para que o lobby proxeneta entenda que, canto máis sexa atacada, maior será a resposta e desta forma deixen de acosala e difamala. Nas últimas semanas, Amelia estase a atopar de forma “casual” con proxenetas… Por todo isto, precisamos estar máis unidas que nunca.

Dende aquí pedimos a todas as asociacións e persoas abolicionistas, que cren e loitan polos dereitos de tódalas mulleres que nos axuden a difundir e denunciar esta situación

Amelia, compañeira, amiga, estamos contigo e os proxenetas tamén nos teñen enfronte. Grazas pola túa labor e por todo o que fas por nós, as mulleres.

Non poderán con nós!

Se tocan a unha, respostamos todas!

Por un Servizo de Axuda no Fogar de calidade